dreams

 

 

 

أنا وأنت وهي !

كلنا نحمل أحلام تعيش بمخيلتنا نتمنى أنها بيوم من الأيام نشوفها حقيقة !

نتمنى أننا نعيش هالأحلام ، ونقضي فيها أمتع الأوقات

مشكلتنا ، اننا نحلم بس .. مانبدأ بالعمل فيها !

 

يعني شالفايدة إذا قضيت عمري كلللله أحلم ، وبالأخير أموت وأنا ما عشت حلمي !

ليه ضاع عمري فجأة وأنا ما حققت ولا ربع من أحلامي اللي كنت أحلمها طوول عمري ؟!

 

الدنيـا ماراح نعيشها إلا مرة وحدة ! ، ليه ماأحقق فيها كل أمنياتي وكل أحلامي

علشان أموت وأنا سعيد !

 

فيه كم  نقطة تساعدنا على تحقيق أحلامنا /

 

حط لك وقت لتنفيذ هالحلم !

يعني أنا مثلا حلمي أشتري سيارة نوع معين

أحط لي وقت ، أقول مثلا بعد سنتين أنا راح أحقق هالحلم

ومابين فترة وفترة راجع هالعبارة ( بعد سنتين راح يكون عندي السيارة اللي أحلم فيها )

راح تلقى بالفعل ! ، بعد ماتخلص هالسنتين مفاتيح السيارة عندك

أنت حطيت شي بعقلك ، وعقلك كل شوي يستعرضه عليك ، فخلاص تأكد 100% انك راح تحققه مهما كانت الظروف

 

لا تتراجع عن أحلامك !

مهما كانت أحلامك صعبة ، ومستحييلة بنظرك

خل الأمل موجود ، خل ايمانك بقدراتك وقواك الداخلية أقوى من قبل

انت بشر ، فـ أكيد بتشوف بعض الأمور صعبة عليك

بس بعد ماتجلس وتحسبها صح وتخلي ايمانك قوي راح تقدر وراح تحقق كل أحلامك

 

جدد أحلامك !

كل ما حسيت إنك مليت من الانتظار ومليت من حلمك ..

جدده ، ارجع واستعرضه قدامك مره ثانيه

وجدد بعض النقاط وجدد خريطتك للوصول له

حاول تكتشف طرق أفضل وطرق أسرع

راح يزيد حماسك لحلمك ، وراح تقدر توصل له إن شاء الله

 

بالنهاية ،

أتمنى من كلل قلبي انه يجي وقت وأحلامنا تصير جزء من حياتنا !

تخيلوا انتم بس ! حلمي صار حقيقة !

هالشي بيدك انت بس ، انت اللي تقدر تصنع نفسك وتكون شخصيتك وحياتك